2017年12月7日 星期四

10月的斷食營

想寫呢篇BLOG好耐啦~~~
但個BLOG APP 瓜左之後都真係好難上圖呀~~



今次帶住媽媽同3個好姊妹入營~~
充足電出營~~~

有人問一年去幾次仲有咩好去呀~~~
每隔半年去排清心靈的毒素係好重要~~
有咁既能力 要好好對待自己~~
唔好睇小心靈的毒素

今次去前就已經講好要好好地學靜坐
舊時一直都好怕腳痺
所以上親打坐堂都逃亡
宜家學識左
日日都係屋企自己練習打坐半個鐘
有時覺得會唔夠喉
想一直坐落去

返左黎快2個月 日日都有打坐
引常霖法師的一句說話:
寧短莫斷

從打坐中得到真正的平靜
愉悅 快樂

係呀~~ 當你知道咩係真正的快樂
個天會俾好多好多更大的快樂你嫁啦

相有好多~~但好麻煩上傳
睇黎我要搬鋪啦
WAKAKAKA

2017年11月7日 星期二

飲用核酸一周年



有圖有真相
美麗 健康 自信
幫到人的快樂感
改變我一生~~~
希望可以播下業力種子
幫助更多的人~~

敬一年前的自己 作出呢個正確的決定
舊時去玩去旅行 都係影風景相食物相多
好少影自己或俾人影
自己睇自己都唔多開胃
今年開始出外旅遊 同朋友食飯
影多左人樣
而唔係只影食物同風景

睇住自己的改變 每朝係鏡前都望自己好耐
真心覺得感動
朋友問我係味去左整容
客人問我做咩越來越靚
耐無見的客人 直頭唔認得我
我笑而不語
有時FB彈返當年今日既相出黎
都要諗一諗 望一望 問下自己 呢個係邊個黎?
由完全無新陳代謝 切肉都唔瘦
到宜家又靚又健康
真係好開心 好開心 好想同大家分享
只係10個月的時間
將我的人生改變
即使舊時一直都好開心咁過日子
但宜家係又靚又開心又健康咁過日子
希望大家都可以健康快樂地回春
青春的肉體配上成熟的靈魂
係我自細的夢想 細時的幻想終於實現
感覺好夢幻

2017年10月7日 星期六

中秋佳節(附流心奶皇月餅食譜)


好耐都無整餅啦~~~
下個禮拜又入營
所以可以放縱一下~~~

今年不約而同都有外國朋友介紹我去青衣呢間老餅店
買月餅~~~ 真係.....唔睇電視既我 真係好背呀~~



一心去買個全款黎試
點知去到果日已經係最後一天售賣月餅
要排隊等出爐
一人限買一盒





今日只淨鴨潤月餅啦~~~~
出年請早
好唔好味?!我未食呀~~
因為要帶去台灣比朋友
所以我都係出年早一點去訂全款式一個個咁包膠



無得食就唯有自己煮啦



其實.....如果唔係呢個包裝盒.......
我係唔會整月餅.........
士多房底仲有支5年陳梅酒!!!!!!







流心奶黃月餅
材料(分量16個)﹕
月餅皮:
糖霜……67
牛油……118
低筋麵粉……252
……17
蛋漿(全蛋)……22
忌廉……20
杏仁粉…..20
奶黃餡:
鹹蛋黃……4
吉士粉……25 (一定要用獅嘜牌)
奶粉……28
砂糖……46 (2 一份30 一份16)
椰汁……74
有鹽牛油……23
忌廉……38
蛋漿(全蛋)……1
雲尼拿香油………4
流心餡:
鹹蛋黃……3
牛油……32
煉奶……64
奶黃餡做法﹕
1.將吉士粉,奶粉混合過篩,加入椰奶拌勻
2.
30糖同蛋打勻 加入1. 拌勻備用
3.CREAM,
牛油,16 ,雲尼拿香油,用小火加熱至微微個邊起小泡
(
邊煮邊攪拌)
4.
3 加入2,拌勻 回鍋中 以中火煮成乾身
(
要不停用膠刮推底攪拌,煮到結塊後轉小火,盡量煮乾身,)
可以時不時離火降溫再煮
5
煮到結合成一團,就可以轉入碗中
6.
咸蛋王 150度焗8分鐘 趁熱顏碎加入奶皇中拌勻
用保鮮紙貼面包好,放涼後,放入雪櫃(下格)最少1-2小時備用
月餅皮做法:

1.
室溫牛油同糖霜打至乳化轉淡黃色,蛋分2次加入打勻
2.
低粉,奶粉,杏仁粉過篩加入打發好的牛油內,用膠刮用切入的手法拌勻
3.
最後加入CREAM結合成一團
用保鮮紙包好 雪最少1小時 備用

流心餡
咸旦王 150度焗8分鐘
趁熱顏碎加入牛油同煉奶中
拌勻
用保鮮紙包成一個厚身(1CM)長方體
放入冰格雪至硬身

組裝:
流心餡先取出 切成16等份
快手分開一粒粒 再回冰格雪至硬身

奶皇餡 分成24一粒 包入流心餡 初圓
(
要貼服 不可以有空氣 不可以漏)
完成放入冰格雪至略硬身

月餅皮分成 22一粒 初圓
按平中間厚 包入奶皇餡
(
餅皮包裹餡料時,一邊旋轉一邊輕力按壓,切勿把多餘空氣包入餅皮中。)

當月餅包好、搓圓後,把高筋麵粉灑上月餅糰及餅模內外,以免壓模時黐手。
把月餅糰放入餅模內,輕輕一壓就能成形。
放入冰櫃冷藏最少3小時,待餅身完全冰硬才取出焗製。
250預熱焗爐,把已雪硬的月餅以同一溫度焗2分鐘,透過焗爐的高溫將月餅迅速定形。
當看到餅皮漸變成白色即代表月餅已經轉熟。
取出月餅後先放涼,靜待2分鐘後輕輕掃上一層蛋黃汁,再過3分鐘,再次把蛋黃汁掃上。5分鐘後, 2201分半至2分鐘,餅面漸變金黃色,出爐後趁熱掃上糖水即大功告成。

蛋水: 1隻蛋王加一茶匙水 糖水: 我用稀少糖糖漿 (或者你可以自己用砂糖加水煮至傑身也可)

2017年9月29日 星期五

東地中海遊輪假期 DAY 9 威尼斯 (離船)

離開克羅地亞 我地就不停站咁返回意大利
將會於早上9點到達 我地充滿美好回憶的旅程要完結啦



早上8點幾 慢慢飄入去威尼斯




再次經過聖馬可廣場





其實都明白點解威尼斯人要抗議遊輪入城
講真 咁大架船係你屋外經過你都味話唔驚

東地中海遊輪假期 DAY 8 克羅地亞

一覺訓醒黎到克羅地亞最南面的DUBROVNIK
埋岸時天陰陰 ,點知入到古城曬爆
歐洲的UV真係唔係人咁品
天陰陰都立即曬黑2度.........



今日既行程係參觀古城~~ 呢個古城好似我之前去德國符騰堡
果類建築風格~~ 上次去符騰堡係城內住左一晚
好似住左係童話書入面咁 好靚好安靜的一個古城



原來城內好熱鬧嫁~~有好多餐廳商店



上城牆前的小貓驗票員💓



就係呢D紅瓦頂屋 令呢個古城變得靚靚






行到城牆的一半 實在太曬
離隊走先 竟然遇上呢次行程我唯一買得落手的手信
手工香包~~~





黎到呢個城記得轉入橫街小巷
會有好多驚喜~~~~~~

東地中海遊輪假期 DAY 7 亞爾巴尼亞



今日黎到 亞爾巴尼亞南部的SARANDA
係"老外"愛去的渡假勝地
我感覺似香港的南丫島 不過風景同水靚D咁


風景同天氣都好好 但治安就麻麻地啦



落去行左個圈就回船準備是夜的第2餐船長晚宴



個香橙鴨胸超級好味~~~
蝦又大隻又鮮
講真到今日我都未知邊個係船長😅


2017年9月21日 星期四

東地中海遊輪假期DAY 6 希臘 雅典



其實跟團真係幾好 今日上岸已經有捷旅的公司車等緊我地
比起船公司的車更早出發
今日先到衛城參觀
衛城位於一個小山丘上
雅典的衛城上興建左好出名的巴特農神殿



又係曬到無朋友



我最愛的雅典娜神殿~~~ 我肯定有一世係希臘人
講唔出點解好愛呢到



海神 神殿
陪伴著海神的美女仍然很美





希臘既地道食物都好岩胃口

飯後有1小時自由活動時間
係市中心行左個圈
雅典退稅高達24%
點都搵d野買下啦
去H到添下香油 就已經無野想買啦......